بدخشان کې ۳۱ بابه نوي روغتیایي مرکزونه جوړیږي 

بدخشان کې ۳۱ بابه نوي روغتیایي مرکزونه جوړیږي 

د بدخشان د عامې روغتیا رئیس په دې ولایت کې د ۳۱ نویو روغتیایي مرکزونو له جوړیدو څخه خبر ورکوي وایي چې دا مرکزونه به په هغو سیمو کې جوړ شي، چې هلته روغتیایي اسانتیاوو ته د خلکو لاس رسی لږ دی.

د بدخشان د عامې روغتیا رئیس ډاکټر نور خاوري تېره ورځ شمال بیان ته وویل چې دا مرکزونه د خلکو د روغتیایي اړتیاوو پر بنسټ  او د بدخشان د عامې روغتیا ریاست په هڅې، د عامې روغتیا وزارت په منظورۍ سره په پام کې ده چې دا روغتیایي مرکزونه د بدخشان ولایت په ګڼ شمېر ولسوالیو کې جوړ شي.

ښاغلي خاوري وویل چې د عامې روغتیا وزارت همداشان امر ورکړی چې د دې روغتیایي مرکزونو لپاره باید روغتیایي کارکوونکي هم وګومارل شي.

د بدخشان د عامې روغتیا ادارې مسوولین وایي چې د روغتیایي مرکزونو د ډېریدو ترڅنګ هڅه کوي څو یو شمېر روغتیایي مرکزونه د ولسوالیو د روغتونو کچې ته لوړ کړي څو له دې لارې وکولی شي خلکو ته د خدمتونو وړاندې کولو کچه غښتلې کړي.

 

خبریال: محمدشریف شایق

 

 

خواندن 29 دفعه
این مورد را ارزیابی کنید
(0 رای‌ها)

مونږ سره یو ځای شئ