په کندز کې د غیر مسووله وسله والو ډلو ترمنځ د نښتې له امله ۶ تنو ته مرګ ژوله اوښتې 

په کندز کې د غیر مسووله وسله والو ډلو ترمنځ د نښتې له امله ۶ تنو ته مرګ ژوله اوښتې 

د کندز په خان آباد ولسوالۍ کې د دو غیر مسووله وسله والو ډلو ترمنځ د نښتې له امله د ضیا الدین کوتوال په نوم د یوې ډلې قوماندان له خپلو دو نورو ملګرو سره وژل کيږي او د بلې ډلې درې تنه وسله وال ټپیانیږي.

د کندز د امنیې قوماندانۍ د امنیت امر صفر محمد اکبري د دې پېښې لامل شخصي شخړې په ګوته کوي.

اکبري زیاتوي چې دا پېښته تېره ورځ مازدیګر مهال پنځه بجې، د خان آباد، تخار لویې لارې په اوږدو سیل بر ملا کریم په سیمه کې رامنځته شوې ده.

د کندز ولایت په خان آباد ولسوالۍ کې ډېرې غیر مسووله وسله والې ډلې فعالیت لري، چې دا ډلې ځينې مهال د شخصي شخړو له امله یو له بل سره نښته کوي او په دې ولسوالۍ کې د نا امنو لامل ګرځي.

 

خبریال: عنایت‌الله خلیق

 

خواندن 16 دفعه
این مورد را ارزیابی کنید
(0 رای‌ها)

مونږ سره یو ځای شئ