بلخ ـ سمنګان لویه لار تړل شوې 

بلخ ـ سمنګان لویه لار تړل شوې 

د بلخ ـ سمنګان لویه لار نن د سېلابونو د راوتلو له امله تړل شوې ده.

د سمنګان ولایت د ټولګټو رئیس انجنیر همایون ابراهیم خېل وویل چې تېره شپه په خرم سارباغ ولسوالۍ کې د ورښتونو او د سمنګان سیند کې د سېلابونو راوتلو له کبله د سمنګان ـ بلخ لویه لار د ترافیکو پرمخ ټړل شوې ده.

هغه زیاته کړه چې د دغه سېلابونو راوتلو له امله خلکو ته ځاني زیانونه نه دې اوښتې خو دواړو خواو ته د لسګونه مسافر وړونکو موټرو د تم پاتې کېدو لامل شوې دي.

دا په داسې حال کې ده چې تېره شپه سېلابونو، د ایبک ښار په منځ کې د یوه پول ځینې برخې هم ویجاړې کړې دي.

 

خبریال: عبدالحی همدرد

 

خواندن 59 دفعه
این مورد را ارزیابی کنید
(0 رای‌ها)

مونږ سره یو ځای شئ